College Of Veterinary Medicine

مـــــعًا نحـــقــق الــــحـلــــم
 
الرئيسيةالبوابةالتسجيلدخول

شاطر | 
 

 حاتجن يا ريت يا أخونا ما رحتش لندن ولا باريز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة الخريف
بيطري جامد
بيطري جامد


انثى عدد الرسائل : 650
العمر : 27
تاريخ التسجيل : 12/04/2009

مُساهمةموضوع: حاتجن يا ريت يا أخونا ما رحتش لندن ولا باريز   الأحد أبريل 25, 2010 1:04 am


حاتجن يا ريت يا أخونا ما رحتش لندن ولا باريز
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى ، وحافى ، وماشى يقشر خص
ولا شحط مشموخ أفندى معاه عود خلفه ونازل مص
ولا لب أسمر وسودانى وحمص وأنزل يا تقزقيز
حاتجن يا ريت يا أخونا ما رحتش لندن ولا باريز


ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ما هى بتتجوز وأسمعنى إحنا مفيش تمييز
حاتجن يا ريت يا أخونا ما رحتش لندن ولا باريز


ولا واحدة فى وش الفجر تبرطع ماليه الدينا صوات
قال إيه جوز خالتى أم أحمد سلفة أخوها السيد مات
سبحانك ما أعظم شأنك والله الموت دا مفيد ولذيذ
حاتجن يا ريت يا أخونا ما رحتش لندن ولا باريز


ولا واحد طالع يجرى وواحد تانى بيجرى وراه
ويقول ها هع حصلتك يا بن إللى أبصر إيه عاملاه
لا الشارع غيط يا أخونا ولا إحنا بداره ولا إحنا معيز
حاتجن يا ريت يا أخونا مارحتش لندن ولا باريز


ولا واحد بيبيع حاجة يقول بريال وتاخدها بصاغ
يا أخونا دى حتى الإبرة تاخدها بدوشة وقلب دماغ
حلفان وعراك ومناهدة ويمكن ضرب كفوف يا حفيظ
حاتجن يا ريت يا أخونا ما رحتش لندن ولا باريز


ولا فيش ميت ألف صعيدى بتوع يا نصيب هاجمين ولا فيش
ميت ألف معوض داعس جاى معاه صندوق ورنيش
والله كرهت القهوة وحرمت أقعد عالأفاريز
حاتجن يا ريت يا أخونا ما رحتش لندن ولا باريز


ولا شفتش ده إللى بلاسه وده إللى بعمه وده بطربوش
ملابسنا يا ناس تشكيلة تعد أصحابها ما يتعدوش
دول ناس كنا أحسن منهم قول ومسيرنا بإذن الله
نبقى أحسن منهم برضك بعد الدرس إللى أخدناه
والله دا عيب نتهجى دروس يا أساتذة على التلاميذ
حاتجن يا ريت يا أخونا ما رحتش لندن ولا باريز
الرجوع الى أعلى الصفحة اذهب الى الأسفل
mafia
بيطري كويس
بيطري كويس


ذكر عدد الرسائل : 231
العمر : 25
تاريخ التسجيل : 18/02/2010

مُساهمةموضوع: رد: حاتجن يا ريت يا أخونا ما رحتش لندن ولا باريز   الإثنين أبريل 26, 2010 12:25 am

هههههههههههههههههههههههههههه جمده اوى

دول ناس كنا أحسن منهم قول ومسيرنا بإذن الله
نبقى أحسن منهم برضك بعد الدرس إللى أخدناه
والله دا عيب نتهجى دروس يا أساتذة على التلاميذ
حاتجن يا ريت يا أخونا ما رحتش لندن ولا باريز


عاشت الايادى
الرجوع الى أعلى الصفحة اذهب الى الأسفل
 
حاتجن يا ريت يا أخونا ما رحتش لندن ولا باريز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
College Of Veterinary Medicine :: ديوان الشعر-
انتقل الى: