| للي حصل في ملتقى التوظيف لنهاردة | |
|
+4moemen el-maamly dew vet ESRAA MOSTAFA ahmed mohamed salah 8 مشترك |
كاتب الموضوع | رسالة |
---|
ahmed mohamed salah بيطري فعال
عدد الرسائل : 449 العمر : 39 تاريخ التسجيل : 18/05/2009
| موضوع: للي حصل في ملتقى التوظيف لنهاردة الإثنين أغسطس 31, 2009 12:12 am | |
| النهاردة كان فيه ملتقى التوظيف اللي اتكلمنا عليه قبل كده حصل الاتي:
1- اعتذر رئيس الجامعة عن حضور الملتقى لضيق الوقت عنده على الرغم اننا استنناه اكتر من ساعة الا ربع 2- قام ممثل شركة دلتا فارم والقى كلمته 3- قام ممثل شركة ادويا والقى كلمته 4- قام ممثل جهاز شئون البيئية والقى كلمته
تفاصيل الاحداث :
انا حضرت من اول كلمة ممثل شركة أدويا :
ابتدا يتكلم عن تاريخ الشركة العريق اللي ابتدا عام 1985 وازاي هما كانوا اول شركة خاصة لانتاج الدواء البيطري في مصر بعد نجاحهم الباهر في انتاج الدواء البشري وازاي قدرت الشركة انها تكبر نفسها ويكون ليها وكلاء في لبيا واليمن والسعودية وروسيا وتم عرض فلم مدته 11 دقيقة عن شركة دلتا فارم مصر ( المصنع والادارة والعمال) واخيرا انها بعد ما قدروا يصنعوا الدواء البشر والبيطري اتجهوا لتصنيع المنتجات الزراعية زي المبيدات الحشرية أشاد ممثل الشركة ببادرة العميد د ربيع بأنشاء مثل هذا المنتدى لما له اهمية لمستقبل الخريجين وانهم يفضلون دائما الخريجين من كليه الطب البيطري لانهم اكثرا استقرارا في الشركة وأكثر عطاءا وعلما بالمجال الدوائي.
ممثل جهاز شئون البيئة :
اعرب عن شكره لبادرة لعميد ايضا وانهم في الخطة الخمسية القادمة لحوالي 1500 طبيب بيطري على مستوى الجمهورية في قطاع شئون البيئة للعمل في المحميات الطبيعية وفي تجميع عينات من الطيور المهاجرة للكشف عن انفلونزا الطير وكذلك في الحفاظ على اتراث الوراثي لبعض الحيوانات المصرية الاصلية (المميزة للبيئةالمصرية ) والحفاظ عليها من الاختلاط بالانواع الاخرى ...وكذلك في مجال الرقابة الصحية
ما انتهى اليه الملتقى :
1- كل ممثل عرض اللي هيقدر يقدمه للخريجين كالاتي:
ممثل شركة دلتا فارم :
قال مش كل واحد منكم هيتقدم لينا هناخده في الشركة لان الشركة ناجحةواكيد هنحتاج لواحد يزود النجاح ده واهملشروط في المتقدم الاتي: لازم يكون pro active والتعبير ده يختلف عن re active قال ان الاول معناه انه يتوقع النجاح ويجري وراه مش يكون نشيط في وجود الحدث بس لا لازم يجري ورا النجاح والحدث ويخليه ناجح بعكس الثاني اللي معناه انه يستنى الحدث وبعدين يكون شيط في تفعيله يقصد صنع مجالات النجاح والسعى ورأها - لازم يكون عنده ثقه في نفسه وبقدراته العلمية وفي مهره - لازم يقدر يشتغل تحت ضغط
طيب الشركه هتقدمله ايه :
على كلامه قال الشركة مش بتفرق من مندوب البيطري والبشري والاتنين بياخدوا مرتب واحد ومش كده بس لا ده في كمان مرتب مغري ينافس شركات ل Multi national عربية لاب توب لان كل التقاترير لازم يبعتها على موقع الشركة موبايل ده غير تامين صحي وتامين على الحياة ( جديدة دي اول مرة اسمع عنها ) ده غير الحوافز في اخر السنة ( وأنا بقول أفلح أن صدق لان ليا ناس كانوا شغالين في نفس الشركة وكانوا بيشتكوا جدا والله اعلم )
2- أما ممثل قطاع شئون البيئة قالها بصراحة : احنا محتاجين اطباء بيطريين كتيرفي المجال لاننا نتقص للباحث العلمي الحقيقي بس للاسف دايما المجال الحكومي مرتباته ضعيفة
وانا وراه بكرر المجال الحكومي مرتباته ضعيفة ((يغنينا الله من فضله)) بس هو قال كمان مع الصبر ( ربنا يصبركوا بقى ) المرتب بيتحسن كتير وفي مشاريع اجنبية بتيجي بجوافز كويسة
كلمة أخيرة : كل واحد جه وعرض سلعته على الطلبة وعلى الطلبة الاختيار في اي مجال عمل يليق بهم وبطموحاتهم ( انا كنت عارف من الاول انهم مش جايين بفرص عمل حقيقية زي ما كان كتير من الناس فاكره بس هما برضه مقصروش عرضوا الل عندهم وانت عليك الاختيار )
ويارب اكون قدرت أوصل ليكم ولو جزء صغير من اللي حصل النهاردة .... وربنا معاكم ويكرمكم بالعمل الصالح دايما ... وانا تحت أمركم في اي استفسار
[/b] | |
|
| |
ESRAA MOSTAFA بيطري فعال
عدد الرسائل : 466 العمر : 35 تاريخ التسجيل : 16/10/2008
| موضوع: رد: للي حصل في ملتقى التوظيف لنهاردة الإثنين أغسطس 31, 2009 1:02 am | |
| والله يا د.أحمد مش عارفه اشكرك ازاى انك بتنقلنا كل أخبار الكليه والناس كتر خيرهم انهم بيعرضو سلعنهم لكن هو عرض مع ايقاف التنفيذ يعنى مش فرصة حقيقيه زى ما حضرتك قلت بالنسبه لشركه دلتا فارم عندهم حق انهم يطلبو المواصفات دى بما انها شركه ناجحه جدا لكن كلنا عارفين نظام التقديم ده وطريقه الاختيار بتبقى ازاى وجديده فعلا موضوع التأمين ع الحياه ده أما عرض جهاز شئون البيئه فرصه كويسه فعلا للى بيحب مجال البحث العلمى وعليه انه يدفع الثمن بالمرتب الضعيف ويستحمل يعنى لو الواحد يقدر يوفق بينه وبين وظيفه كمان يبقى كويس أوى أنا يمكن معنديش خبره بالشغل أوى لكن جربت وسمعت من ناس كتير عشان مش عايزه استنى لما اتخرج السنه الجايه ان شاء الله وبعدين لسه هدور.....كان الواحد يشد حيله من الاول ويتعين معيد ف الكليه بدل المتاهه دى....يالا الحمد لله وربنا يكرمك يا د أحمد ويجازيك كل خير | |
|
| |
dew vet Supermoderators
عدد الرسائل : 3329 العمر : 35 تاريخ التسجيل : 16/10/2008
| |
| |
ahmed mohamed salah بيطري فعال
عدد الرسائل : 449 العمر : 39 تاريخ التسجيل : 18/05/2009
| موضوع: رد: للي حصل في ملتقى التوظيف لنهاردة الإثنين أغسطس 31, 2009 1:59 am | |
| اسف يا جماعة تعديل بسيط الي قال على مواصفات المندوب والشركة هتقدمله ايه هو ممثل شركه أدويا وليس دلتا فارم بس هي مش هتفرق كتير وربنا يكرمكم ان شاء الله | |
|
| |
moemen el-maamly بيطري كويس
عدد الرسائل : 292 العمر : 37 تاريخ التسجيل : 18/09/2008
| موضوع: رد: للي حصل في ملتقى التوظيف لنهاردة الإثنين أغسطس 31, 2009 2:11 am | |
| شكرااااااا جدااا يادكتور احمد على مجهودك ده هو طبعا حكاية دلتا فارم او حتى ادويا هو اي شركة بتعمل المقابلات مع المتقدمين وبياخدو اللي يناسبهم يعني كده كده هو ماعملش حاجه غير دعاية للشركه اما ممثل شئون قطاع البيئه فالواحد ماعدش بيصدق الناس دول في حاجه شكراا تاني يادكتور احمد وربنا معاانااا | |
|
| |
محمد معروف بيطري جامد
عدد الرسائل : 647 العمر : 34 تاريخ التسجيل : 13/09/2008
| موضوع: رد: للي حصل في ملتقى التوظيف لنهاردة الإثنين أغسطس 31, 2009 10:59 am | |
| شكرًا جدًا لحضرتك يا دكتور أحمد ويارب الملتقي ده يعود بالخير على الجميع | |
|
| |
محمد معروف بيطري جامد
عدد الرسائل : 647 العمر : 34 تاريخ التسجيل : 13/09/2008
| موضوع: رد: للي حصل في ملتقى التوظيف لنهاردة الإثنين أغسطس 31, 2009 11:00 am | |
| شكرًا جدًا لحضرتك يا دكتور أحمد ويارب الملتقي ده يعود بالخير على الجميع أنا سمعت كمان ان دلتا فارما قالت هتاخد 15 من الخريجين ؟ فهل ده فعلا حصل .. ولا ده تحت الشروط اللي قالوها وشكرًا مرةة تانية لحضرتك | |
|
| |
mohamed_sobhy بيطري فعال
عدد الرسائل : 369 العمر : 33 تاريخ التسجيل : 22/08/2009
| موضوع: اللي حصل في ملتقي التوظيفالنهارده الإثنين أغسطس 31, 2009 8:03 pm | |
| يا سلاااااااااااام ربنا يكرمك يا دكتور | |
|
| |
memo elasola بيطري قدير
عدد الرسائل : 1896 العمر : 37 تاريخ التسجيل : 07/11/2008
| موضوع: رد: للي حصل في ملتقى التوظيف لنهاردة الإثنين أغسطس 31, 2009 8:11 pm | |
| البتاع ده اللى اسمه منتدى التوظيف كان سىء جدا من وجهه نظرى وملوش لازمه كويس انى منت مطمنه نفسى بكده قبل ما اروح سلام | |
|
| |
ahmed mohamed salah بيطري فعال
عدد الرسائل : 449 العمر : 39 تاريخ التسجيل : 18/05/2009
| موضوع: رد: للي حصل في ملتقى التوظيف لنهاردة الثلاثاء سبتمبر 01, 2009 2:16 am | |
| الشكر ليكم يا جماعة اما عن سؤال محمد معروف ان الشركة هتاخد 15 واحد من الخرجين فمدير شركة ادويا قال في اعلان هينزل في الاهرام خلال اسبوعين عن طلب مندوبين جدد في كل المحافظات وقال ادخلوا على موقع الشركة اللي هو بعنوان أدويا ونزل ال C.V.بتاعك عليه .... وبالنسبة ل Memo Elasola بقولها انه الملتقى مكنش فاشل كليا.... زي ما قلت كل واحد عرض سلعته وانتى عليكي الاختيار لان اكيد الشركات مش جاية بعقود الشغل في ايديها للخريجين ومستنياهم في الاخر الشركة هتصفي المتقدمين وهتاخد الافضل طبعا وانا تحت امركم في اي حاجة تحتاجوها من الكليه | |
|
| |
Hosny_Mostafa Admin
عدد الرسائل : 961 العمر : 35 تاريخ التسجيل : 09/09/2008
| موضوع: رد: للي حصل في ملتقى التوظيف لنهاردة الثلاثاء سبتمبر 01, 2009 2:42 pm | |
| ربنا يكرمك يا دكتور احمد مش عارفين من غيرك كنا هانعمل ايه بس انا عن نفسي شايف ان الملتقى كان كويس نوعا ما يعني ظهر اهتمام و لو بسيط بالطب البيطري و بالنسبة لممثل شركة ادويا ... هو معملش غير انه قدم اغرائات للشباب لكسب وجهة نظر العديد من الخريجين شكرا ليك يا دكتور و ربنا يغنينا عن الحكومة | |
|
| |
| للي حصل في ملتقى التوظيف لنهاردة | |
|